O Concello de Cabanas anuncia a apertura da convocatoria de emprego para a contratación de seis persoas en base ao Programa de Integración Laboral da Deputación da Coruña (PEL – Reactiva – 2021), para a execución de obras e servizos mínimos municipais.
Os seis contratos, de seis meses de duración cada un, serán para cubrir tres prazas de peón, dous de albanel e un/ha operario/a-condutor/a, cunha retribución bruta de mensual de 1108,33 € no caso das prazas de peón, e de 1282,31 € para as prazas de albanel e condutor/a.
Tal e como establecen as bases, publicadas no día de hoxe no BOP, as persoas a contratar deberán atoparse en situación de desemprego na data de inicio do proceso selectivo, así como atoparse nalgunha das seguintes situacións:
- Mulleres
- Maiores de 45 anos.
- Persoas desempregadas de longa duración (mínimo 2 anos como demandantes de emprego).
- Persoas con discapacidade (recoñecida nun grao igual ou superior ao 33%)
- Persoas en situación de drogodependencia
- Persoas que vivan nun fogar onde ningunha persoa teña emprego
- Persoas en fogar monoparental
- Persoas con problemas para encontrar emprego polo idioma ou cuestións socioculturais
- Persoas vítimas de violencia de xénero
- Persoas sen fogar.
As persoas interesadas en optar a estas prazas dispoñen de cinco días hábiles para presentar as correspondentes solicitudes (até o venres 16 de abril, incluído).
Descarga | Publicación BOP
