Sábado, Febreiro 4

30 postos de artesanía no III Mercado de Nadal de Cabanas que se celebra este domingo

Google+ Pinterest LinkedIn Tumblr +

Cabanas celebrará este domingo, 18 de decembro, o seu “III Mercado de Nadal” unha cita na que as visitantes poderán descubrir e mercar produtos de artesanía e proximidade, ademais de desfrutar de actividades complementarias ao longo do día.

O mercado estará aberto ao público entre as 11 e as 19 horas no Pavillón de Lavandeira, tempo no que as persoas que se acheguen poderán facer as súas compras de agasallos. Ademais, desde o mediodía estará aberto ao público a foodtruck AUTGA, con hamburguesas de vaca cachena e outras elaboracións, e á tarde haberá unha chocolatada con churros.

En colaboración coa Asociación de Mulleres Cabanas Rural, arredor das 17 horas chegará o Apalpador para atoparse coas crianzas, as cales recibirán un pequeno agasallo.

Share.

Comments are closed.