A semana pasada celebrouse un obradoiro de saúde dirixido ao alumnado de 6º de Primaira do CEIP Eladia Mariño, no marco do Programa de Prevención de Drogodependencias e Condutas Aditivas que coordina conxuntamente o Concello de Cabanas en colaboración co Concello de Pontedeume.
Trátanse de actividades de empoderamento persoal e fortalecemento das habilidades sociais co obxectivo de previr comportamentos pouco saudábeis e outros factores de risco como transtornos de alimentación, substancias ou pantallas.
A seguinte sesión destes obradoiros, de dúas horas de duración, celebrarase o próximo 26 de abril.
