O Concello de Cabanas informa de que a Deputación da Coruña ten aberto o prazo de solicitude de axudas destinadas a persoas autónomas, microempresas e PEMES de concellos da provincia, cun orzamento de máis de 5 millóns de euros, e repartidos en varios programas:
- PEL-Emprende Investimento.
- Dirixido a empresas con menos de 5 anos de actividade.
- Axudas para investimento en maquinaria, mobiliario, equipos para proceso de información e aplicacións informáticas.
- PEL-Emprende Autónomas/os.
- Dirixido a persoas autónomas con menos de 5 anos de actividade.
- Sufraga un ano de cotas á Seguridade Social.
- PEL-PEMES Creación e Ampliación.
- Destinadas a empresas con domicilio fiscal en municipios de menos de 20.000 habitantes, como Cabanas.
- Subvención do 70% do custo de soldos e seguridade social durante un ano.
- PEL-PEMES Mantemento.
- Orientadas a empresas beneficiarias de PEL-PEMES Creación e Ampliación 2020.
- Subvención do 50% do custo de soldos e seguridade social durante o 2º ano de contratación.
O prazo de presentación de solicitudes está aberto até o próximo 15 de abril ás 14 horas.
Bases da convocatoria | BOP da Coruña
