Conexións móbiles máis rápidas e mellor cobertura móbil co despregamento de redes 5G en Cabanas

Google+ Pinterest LinkedIn Tumblr +

As operadoras Teléfonica, Vodafone e Orange veñen de anunciar que durante as próximas semanas realizarán en Cabanas o proceso de implantación dos servizos de telefonía móbil de nova xeración 4G e 5G sobre as bandas de 800 e 700 MHz, respectivamente, o que permitirá á veciñanza desfrutar de conexións móbiles de alta velocidade e cunha mellor cobertura no interior dos edificios, ademais dunha maior extensión xeográfica.

Para garantir a compatibilidade da nova tecnoloxía coa televisión dixital terrestre (TDT), as operadores puxeron en marcha a entidade Llega700, encargada de solucionar calquera afectación na recepción do sinal de televisión.

Este despregamento enmárcase no establecido no Real Decreto 579/2019, de 11 de outubro, a partir do cal procedeuse á liberación das frecuencias entre 694 e 790 MHz (canles 49 a 60 de UHF), que até o de entón empregábanse para a recepción da TDT, proceso coñecido como “Segundo Dividendo Dixital”. A partir de entón, ditas frecuencias foron asignadas ás operadoras de telefonía móbil para prestar o seu servizos de telefonía de nova xeración.

Principais vantaxes: máis e mellor cobertura.

Coa nova rede móbil abriuse a porta a innovadores servizos e aplicacións, ademais de proporcionar significativas melloras tanto na velocidade de descarga como no envío de datos (fotos, música, contidos audiovisuais de alta definición…) ou permitir sacar o máximo partido a aplicacións online, como os videoxogos.

Ademais, as novas redes inclúen maior solvencia dos diversos problemas relacionados con orografías complicadas, como a falta de cobertura, ao conseguir unha mellor penetración nos interiores dos edificios.

Garantir a compatibilidade da rede móbil e a TDT

Para garantir a compatibilidade da rede móbil e a TDT, LLega 700 presta unha serie de servizos á poboación de maneira gratuíta, que inclúe a atención ás usuarias que se poidan ver afectadas, xestionando e resolvendo as posíbeis afeccións sen custe.

Para xestionar estes servizos, púxose a disposición un teléfono gratuíto (900 833 999) e unha páxina web, https://www.llega700.es/

Share.

Comments are closed.