Desde o Concello de Cabanas, dentro da campaña “Saúde e Benestar”, queremos achegarnos a un aspecto moitas veces descoidado do noso benestar, o da saúde mental.
Preto de mil millóns de persoas viven procesos de dificultade socioemocional ou psicolóxica e calquera, en calquera lugar, pode experimentalo. A dpresión é unha das principais causas de discapacidade a nível mundial, e se calcula que un 5% das persoas adultas sofren depresión.
As mulleres son medicalizadas en maior porcentaxe que os homes de dificultades como a depreseión e a ansiedade, aproximadamente o dobre. As causasnon son só persoais ou biolóxicas, e están relacionadas con outros factores que entrecruzan as nosas vidas.
Os dereitos das persoas que viven con afeccións de saúde mental poden protexerse ou promoverse a través da lexislación, as políticas de saúde mental, o desenvolvemento de servizos de saúde comunitarios asumíbeis e de calidade e a participación de persoas con experiencias vividas ou grupos de apoio mutuo (GAM), etc. Unha mirada feminista mellor a comprensión do sufrimento das persoas ao recoñecer a diversidade das súas expresións e visibilizar os procesos que o producen.
No noso entorno existen recursos para apoiar e promover a saúde e benestar, e queremos compartir algúns exemplos e propostas:
- O Concello de Cabanas vén desenvolvendo desde hai anos obradoiros grupais de apoderamento dirixidos a mulleres, como o celebrado o pasado mes de setembro ou o que se realiza conxuntamente co concello de Pontedeume e Fundación Mulleres. Tamén existen iniciativas para homes como o desenvolto o ano pasado sobre masculinidades disidentes
- Movemento Galego de Saúde Mental desenvolverá o próximo sábado 16 en Santiago as “VII Xornadas do Movemento Galego da Saúde Mental. Mocidade en risco de expulsión. A diversidade como ferramenta de futuro“.
- O 30 de outubro comeza un novo Programa de Mindfulness e Compaixón dentro do Espazo de Autocoidado do Colexio Oficial de Psicoloxía de Galicia. Espazo para a práctica de mindfulness vía zoom con sesións gratuítas e abertas ao público xeral todos os sábados ás 10:00h entre o 30 de outubro e o 18 de decembro de 2021. En cada sesión abórdase un tema que pode ser do voso interese e contribuír a que teñades novas ferramentas para un maior benestar. No enlace https://autocoidado.copgalicia.gal/ podes atopar algúns dos recursos utilizados en programas anteriores.
- Curso: Muller e Tolemia: desmontando mitos. Curso de 2 horas sobr e o mito da “muller tola”, emocional e non racional, que non sabe o que quere. Trátase dun mito construído para soter discursos opresores androcéntricos e xustificar desigualdades que perduran até hoxe e perpetúan a violencia que sofren as mulleres.
Algún exemplo dutras aportacións son:
- “Mala de acostarme”, unha guía editada para favorecer o autocuidado das mulleres.
