Saúda do Alcalde

No meu nome, e o de toda a Corporación Municipal, douvos a benvida á páxina web do Concello de Cabanas.

Esta é unha ferramenta interactiva e funcional para mellorar o funcionamento do Concello e incrementar os servizos públicos. Ten como principal obxectivo facer chegar a todos os veciños e veciñas, con máis rapidez e eficiencia, a información vinculada á Administración Local.

Nese senso, convértese nunha fiestra aberta que permite aos usuarios coñecer mellor a historia, patrimonio, natureza e xente deste fermoso Concello da comarca do Eume. Ademais diso, vai permitir a difusión de convocatorias, actividades e outras novas que afecten ao Concello, ou que poidan ser de interese xeral, ofrecendo información de carácter institucional onde atopar documentación para poder solicitar e tramitar algúns dos servizos que ofrece o Concello.

Tamén quere ser esta web un punto de encontro e de participación, onde calquera persoa de xeito individual ou entidades e asociacións de Cabanas expresen as súas inquedanzas e propostas ou informen das actividades que desenvolvan.

Convídovos a entrar e utilizar este espazo de comunicación e diálogo aberto aos intereses e necesidades de todos e todas co obxecctivo de acadar unha mellor gobernanza. Para iso é preciso contar coas vosas propostas, suxestións ou queixas. É a participación cidadá a que lle dá o seu verdadeiro sentido. Grazas.

Sodes benvidos e benvidas a esta vosa casa.

Carlos Ladra Brage.

Alcalde de Cabanas.