Noticias

Campamento de Informática
  • Luns, 28 Xuño 2010

Mellorar os coñecementos de informática dos máis cativos de Cabanas. Este é o obxectivo que se persegue dende a Concellería de Cultura coa programación dun Campamento de Informática, que ven desta maneira a completar a oferta para o ocio de verán para os rapaces do concello. O Campamento de Informática ten previsto que se leve a cabo dende o 13 de xullo e dure ata o 12 de agosto. O horario do mesmo sería de 10:30 horas a 13:00 horas e o lugar escollido para impartirse a Escola Laica de Cabanas. Os días nos que tería lugar a actividade serían os martes, os mércores e os xoves. O prazo de inscrición para apuntarse remata o día 2 de xullo. As prazas son limitadas e concederanse por orde de inscrición. Poden acadar máis información no departamento de Cultura, chamando ó 981 49 59 59 ou a través do correo electrónico cultura@cabanas.dicoruna.es

ficha inscrición campamento informática

Actividades de verán 2010
  • Martes, 22 Xuño 2010

Co curso de actividades recentemente clausurado, a concellería de cultura de Cabanas non para no seu quefacer e xa se atopa organizando as actividades para manter ós máis novos do concello ocupados durante o período estival. Desta maneira xa están abertos os prazos para as actividades de ludoteca e campamento de verán que tradicionalmente se veñen levando a cabo.

A ludoteca está orientada para rapaces con idades comprendidas entre os tres e os seis anos, mentres que o campamento de verán será para os que teñan entre os sete e os trece. Ambas actividades se desenrolaran no Pavillón de Porto do día 12 de xullo ó 13 de agosto e están pensadas coa intención de ampliar as actividades culturais e lúdicas dos máis pequenos durante o verán. O horario será de dez e media da mañá ata a unha do mediodía de luns a venres. O prazo de inscrición rematará o día 2 de xullo, sendo as prazas limitadas e asignadas por orde de presentación.

Para obter máis información acerca destas dúas actividades, non tes máis que seguir os enlaces que veñen a continuación. En caso de calquera dúbida, poden poñerse en contacto co departamento de cultura do Concello de Cabanas a través do teléfono 981 49 59 59 ou no correo electrónico cultura@cabanas.dicoruna.es

Información Ludoteca

Ficha inscrición Ludoteca

Información Campamento de Verán

Ficha inscrición Campamento de Verán

 

Contratación de persoal
  • Mércores, 16 Xuño 2010

O Concello de Cabanas abriu o prazo para a presentación de solicitudes para a contratación de persoal de obras e servizos, logo de ser aprobadas pola Xunta de Goberno Local as bases. Os interesados poderán presentar as solicitudes segundo o modelo que se facilitará nas oficinas municipais, rematando o prazo o próximo luns 21 de xuño de 2010.

O persoal a contratar serán dúas cuadrillas para a limpeza e mantemento das zonas de praia e estarán compostas por dous capataces e oito peóns. A duración do contrato será de tres meses.

Fin de actividades
  • Xoves, 03 Xuño 2010

Coa chegada do verán rematan as actividades tanto culturais como deportivas que organiza o Concello de Cabanas durante todo o ano, así que xa se están a preparar as diferentes actividades para poñer punto e final os distintos cursos que se levaron a cabo. Desta forma, este mesmo sábado, día 5 de xuño, terá lugar a inauguración da exposición dos traballos que se realizaron durante todo o curso.

II Certame Literario de Narrativa e Poesía
  • Martes, 30 Marzo 2010

Ante a proximidade da celebración do Día das Letras Galegas, o Concello de Cabanas puxo en marcha o seu II Certame Literario de Narrativa e Poesía. Búscase con esta iniciativa promocionar a creación literaria, ó tempo de servir como estímulo positivo para facilitar unha mellora no eido da literatura e da poesía. No seguinte link poderán descargarse as bases deste certame.

II Certame literario Concello de Cabanas

II Gala do Deporte e da Cultura
  • Luns, 01 Marzo 2010

Cabanas, 1 de marzo de 2010. O Concello de Cabanas celebrou este sábado a súa II Gala do Deporte e da Cultura. Un acto co que a corporación municipal busca premiar e recoñecer o traballo realizado tanto no eido do deporte como da cultura de veciños, asociacións ou persoas vinculadas estreitamente co Concello de Cabanas. Este ano ademais aproveitouse a ocasión para facer entrega da insignia de ouro de Cabanas ó Padre José López Calo, eminente musicólogo cunha dilatada traxectoria profesional e que ten unha gran vinculación co municipio.

Subvencións Municipais 2009
  • Venres, 04 Decembro 2009

O próximo mércores 9 de decembro abrirase o prazo para que as entidades sen fins de lucro do Concello de Cabanas poidan solicitar as axudas municipais. Nos dous seguintes links poderase atopar máis detallada información. O prazo para a presentación destas solicitudes rematará o día 23 de decembro.

sauda do alcalde

Solicitude de subvención

Actividades
  • Venres, 20 Novembro 2009

No seguinte link podes atopar información sobre as diferentes actividades que se levarán a cabo no Concello de Cabanas no curso 2009-2010

Programa de actividades de 2009-2010

Reunións Veciñais
  • Luns, 02 Novembro 2009

O Concello de Cabanas pensa realizar unha serie de reunión nas diferentes parroquias ó longo dos meses de novembro e decembro. Nestas reunión, o consistorio municipal buscará explicar ós vecinos e veciñas de Cabanas como se pretenden preparar os presupostos do próximo ano 2010. Nestas reunión tamén se escoitaran as suxerencias e as preguntas que os asistentes desexen realizar, co obxectivo de realizar os mellores presupostos posibles para o funcionamento do Concello de Cabanas, tendo en conta as necesidades de cada parroquia.

As reunións faranse nos diferentes locais sociais que hai no concello, para deste xeito poder favorecer que asista a maior parte dos veciños e veciñas de Cabanas. A hora das reunións será sempre ás 20:30 horas. O calendario previsto das reunións será o seguinte:

-         4 de novembro: Local Social de Santa Cruz

-         12 de novembro: Local Social de Lavandeira

-         18 de novembro: Local  Social de Laraxe

-         25 de novembro: Local Social de San Martiño de Porto

-         2 de decembro: Concello de Cabanas

Teatro no Concello
  • Xoves, 29 Outubro 2009

Dentro da programación cultural que se ofrece a través da Concellería de Cultura de Cabanas está previsto que mañá venres día 30 se ofreza unha obra de teatro. A hora para a representación será ás 20:30 horas e o lugar escollido o salón de plenos de Cabanas. A obra correrá a cargo do grupo de teatro “A Pombiña” sendo a obra a representar “Nin Dios entende ós homes”. A entrada será gratuíta.

Páxinas