Inicio

Cabanas presenta a súa campaña polo 8-M
  • Martes, 03 Marzo 2020

O Concello de Cabanas vén de presentar a súa campaña polo 8 de marzo, que leva por lema “Derrubando o patriarcado: pola dignificación dos coidados”. Con ela, Cabanas súmase aos movementos feministas, que neste 8M están a pór o foco na visibilización dos coidados como eixo das reivindicacións.
 

Cabanas inicia o trampeo primaveral contra a velutina
  • Luns, 02 Marzo 2020

O Concello de Cabanas vén de informar de que este xoves comezará co trampeo primaveral contra a praga da vespa velutina. Nunha primeira fase instalaranse sesenta trampas distribuídas por todo o territorio do concello, cuxa ubicación vén determinada polas zonas que resultaron máis afectadas polos niños de velutina durante o pasado 2019. 

Reinicio da actividade Envellecemento Activo
  • Xoves, 27 Febreiro 2020

O Concello de Cabanas informa de que o próximo martes, 3 de marzo, reiníciase a actividade Envellecemento Activo no Local das Viñas. 

A actividade celébrase todos os martes en horario de 11 a 12.30h, e conta con transporte gratuíto, polo que é necesario realizar inscrición previa para garantir a praza.

Aquelas persoas interesadas poden chamar ao 981 495 959 (ext. 2).

Cabanas completa a segunda fase do plan de compostaxe doméstica
  • Mércores, 26 Febreiro 2020

O Concello de Cabanas, a través da Concellaría de Medio Ambiente en colaboración con SOGAMA, vén de completar a segunda fase do Plan de Compostaxe Doméstica iniciado o pasado setembro co reparto de 30 novos composteiros entre a veciñanza, que se suman aos 30 que xa foran repartidos na primeira fase.
 
“O obxectivo principal deste plan de compostaxe é implicar á veciñanza na redución dos residuos xerados, contribuíndo á mellora do medio ambiente”, sinalou o tenente alcalde e responsábel da área, Iago Varela.
 

Cabanas celebra este venres o Día de Rosalía
  • Luns, 17 Febreiro 2020

O Concello de Cabanas súmase á celebración do Día de Rosalía (24 de febreiro) cunha actividade orientada ao público infantil e xuvenil.
 
Trátase do espectáculo “A Estrela de Rosalía”, que chega da man de Marisa Irimia e que combina actividades de poesía e narración para pór en valor a figura de Rosalía de Castro, como referente cultural de Galicia e adaíl do feminismo e a loita social.
 

Páxinas