Inicio

O BOP anuncia a aprobación definitiva de varios regulamentos e a modificación dunha ordenanza
  • Sábado, 04 Abril 2020

O Boletín Oficial da Provincia (BOP) anunciou onte, venres, a aprobación definitiva de tres novos regulamentos (Participación Veciñal; Venda Ambulante e Feiras; Rexistro Municipal de Entidades) e a modificación da Ordenanza de Axudas de Emerxencia Social, logo de que non tivesen recibido propostas de emenda tras a súa aprobación provisional polo pleno ordinario do pasado mes de marzo.

Axudas ás familias do alumnado beneficiario das bolsas de comedor durante a suspensión do servizo
  • Mércores, 01 Abril 2020

O Concello de Cabanas informa da Orde da Consellería de Educación, Universidade e Formación Profesional pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19 (código de procedemento ED601B).

Cursos de formación online ofrecidos pola Fundación Mujeres
  • Mércores, 01 Abril 2020

Durante este período de confinamento por mor do estado de alarma decretado polo goberno central, a Fundación Mujeres, coa que colabora o Concello de Cabanas, segue a impulsar cursos online destinados a mulleres, unha formación gratuíta para as usuarias accesíbel desde o campus virtual da Fundación, accesíbel desde a súa páxima web http://www.fundacionmujeres.es/

Cabanas confirma o primeiro caso por coronavirus COVID-19
  • Martes, 31 Marzo 2020

Esta mañá as autoridades sanitarias comunicaron ao Concello de Cabanas o primeiro caso positivo por coronavirus COVID-19 no noso municipio.

Dentro das competencias municipais, o Concello de Cabanas está a levar a cabo tarefas especiais de limpeza e desinfección en zonas de tránsito de persoas, así como tamén nos arredores dos establecementos que permanecen abertos durante a duración do estado de alarma. Estes traballos estanos a facer persoal municipal, cos correspondentes EPIs, e maquinaria industrial alugada especificamente para facer fronte a esta crise.

Cabanas completa a primeira revisión do trampeo da velutina
  • Venres, 27 Marzo 2020

Esta semana realizouse a primeira revisión e reposición de atraínte nas trampas colocadas polo Concello de Cabanas en todas as parroquias do termo municipal de Cabanas.

A concelleira responsábel da área de servizos, Eva García, valorou positivamente esta primeira revisión "nesta primeira fase obtívéronse moi bos resultados, cun total de 298 raíñas capturadas"

Cabanas inicia as labores de desinfección nas áreas de maior afluencia de poboación
  • Martes, 24 Marzo 2020

O Concello de Cabanas vén de anunciar a posta en marcha dun programa de desinfección en todos os edificios de maior afluencia de poboación dentro do termo municipal.
 
Ademais das instalacións de servizos, como a propia Casa do Concello ou o Centro de Saúde, estes traballos de desinfección tamén se levarán a cabo nos establecementos comerciais que permanecen abertos durante o estado de alarma (farmacia, estancos, supermercados, panaderías...), así como en mobiliario urbano, como as marquesinas.
 

Páxinas