Inicio

Cabanas únese a campaña provincial "Liberdade de Ser e Sentir" polo Día da Diversidade Sexual
  • Xoves, 11 Xuño 2020

O Concello de Cabanas participa da campaña "Liberdade de Ser e Sentir" posta en marcha pola Área de Igualdade da Deputación da Coruña, e que ten como principal obxectivo acadar a máxima implicación social na celebración do Día da Diversidade Sexual o próximo 28 de xuño.

Dadas as circunstancias, esta edición terá unha maior difusión a través de Internet, levando a cabo diversas accións e actividades a través da plataforma seresentir.galonde tamén se pode consultar a programación.

Cabanas limitará o aparcadoiro nas inmediacións das praias para controlar o seu aforo.
  • Mércores, 10 Xuño 2020

O Concello de Cabanas vén de iniciar os traballos para reorganizar o acceso e aparcamento de vehículos nas inmediacións dos seus principais areais, A Madalena e Chamoso, para dar resposta ás medidas de control de acceso e redución de aforo provocados pola crise da COVID-19.

No caso da praia da Madalena, os traballos iniciáronse a finais da semana pasada coa instalación dun peche de madeira que delimitará unha área non permitida para o aparcamento, e continuará estes días coa reorganización e repintado das prazas de estacionamento en batería.

Cabanas reinicia as feiras ao aire libre o próximo 21 de xuño
  • Martes, 09 Xuño 2020

O Concello de Cabanas vén de anunciar o reinicio da Feira do 21, tras o paralización da súa celebración pola crise da COVID-19. Porén, o Concello non festexará o 109 aniversario da feira como esta previsto, pospoñendo a xuño do 2021 (110 aniversario) a conmemoración.

A Feira do 21 celebrarase o próximo domingo 21 de xuño, baixo as limitacións establecidas na Fase 3 do proceso de desescalada (maior distancia e redución do número de postos), así como tamén co novo regulamento de feiras en vigor.

Cabanas non permitirá as luminarias de San Xoán nas praias e demais espazos públicos
  • Luns, 08 Xuño 2020

O Concello de Cabanas vén de anunciar que este ano non se permitirán as luminarias de San Xoán nas praias da localidade nin noutros espazos públicos, debido as restricións sanitarias pola crise da COVID-19.

Nun bando publicado no día de hoxe, o Concello establece a prohibición de facer luminarias nos areais e outros espazos públicos, ademais dos botellóns, e anuncia un plan de control para vixiar o cumprimento das medidas adoptadas para esa noite.

Páxinas