Inicio

Xornada de Portas Abertas
  • Martes, 18 Novembro 2014

Ensinar e dar a coñecer o atletismo é o obxectivo que vai perseguir este próximo sábado a Escola de Atletismo de Cabanas coa celebración dunha Xornada de Portas Abertas. A partir das once da mañá e no marabilloso entorno do Piñeiral da Madalena, os monitores e profesores desta nova actividade municipal ofertaran ós que se acheguen unha ampla oferta de actividades  para que se poidan coñecer de primeira man as diferentes disciplinas do atletismo como lanzamentos de xabalina ou peso, salto de lonxitude, probas de velocidade, etc.

Tempo de Familias
  • Mércores, 12 Novembro 2014

Un ano máis, o Concello de Cabanas e a súa Concellería de Servizos Sociais vai por en marcha a súa actividade “Tempo de Familias”, no que participará tamén a Deputación da Coruña con parte do seu financiamento a través do seu Programa de Acción Social con Familia, Mocidade e Infancia. Trátase esta dunha actividade dirixida a familias con nenos e nenas de ata cinco anos de idade e no que se pretende facilitar un espazo de encontro para o intercambio, o debate e a aprendizaxe conxunta.

Magosto en Cabanas
  • Xoves, 06 Novembro 2014

Como ven sendo habitual por estas datas, o Concello de Cabanas organizará unha nova edición do seu tradicional Magosto. A data escollida nesta ocasión para a súa celebración será este próximo venres 7 de novembro. O lugar no que terá lugar será no local social de Santa Cruz a partir das 20:30 horas.

Programa de compostaxe doméstica
  • Venres, 31 Outubro 2014

O Concello de Cabanas en colaboración con SOGAMA ten posto en marcha un programa de compostaxe doméstica e recollida selectiva. Con tal fin vaise levar a cabo o reparto de composteiros de forma gratuíta entre as persoas que se apunten neste programa así como levarse a cabo cursos formativos que axuden as familias interesadas a coñecer de forma axeitada o proceso a seguir.

Convocatoria de subvencións da Deputación para entidades sen ánimo de lucro
  • Luns, 27 Outubro 2014

Hoxe,  luns 27 de outubro, publícase no Boletín Oficial da Provincia, as bases da convocatoria ordinaria de subvencións dirixidas a entidades sen ánimo de lucro no ámbito xeográfico da provincia de A Coruña.

O prazo de presentación ábrese hoxe é ata o 20 de novembro. As solicitudes poderán presentarse por vía telemática a través da web www.dicoruna.es

Investimento da Xunta na estrada que une Cabanas e As Pontes
  • Sábado, 25 Outubro 2014

A Xunta de Galicia iniciará en breve a reparación da estrada, AC-564, que comunica Cabanas coas Pontes. Concretamente, os traballos afectan os puntos quilométricos 1 e 26.

Igualmente,  a Xunta contempla o arranxo da estrada, AC-563,  da rede primaria que une Vilar do Colo a Fonfría no desvio coa estrada AC-564 en Cabanas.

As obras basicamente se focalizarán na reposición do firme, mellora do aglomerado, drenaxe das infraestruturas e cambios na sinalización horizontal e vertical.

Encontro Empresas e Concellos
  • Sábado, 18 Outubro 2014

¿Tes unha empresa?. ¿Queres promocionar o teu negocio?. ¡Faino!. I Encontro entre Empresas e Concellos.

Datas: 26 - 28 de novembro. Localización: EXPOCORUÑA.

Información: 981080513.   upd@dicoruna.es.

Organiza: Deputación Da Coruña.

Ruta a Redes
  • Venres, 17 Outubro 2014

Cabanas. 17 de outubro de 2014.- A Concellería de Cultura e Deportes en colaboración co club KDM de Cabanas ten previsto organizar para este próximo domingo, unha nova ruta de sendeirismo, dentro da súa planificación habitual mensual. Neste caso, a ruta proposta levará ós seus participantes ata a veciña localidade de Redes.

Páxinas