Inicio

O Servizo de Socorrismo de Cabanas atendeu preto de cen incidencias no mes de xullo
  • Martes, 06 Agosto 2019

O Servizo de Socorrismo do Concello de Cabanas atendeu un total de 94 incidencias durante o pasado mes de xullo, das que 6 foron consideradas como graves, 41 leves, 34 moi leves e 13 sen importancia.

Das seis incidencias máis graves, catro foron solucionadas polo persoal do Servizo de Socorrismo na mesma praia, mentres que en dous casos foi preciso requerir dunha ambulancia para trasladar aos doentes a centros médicos por golpes de calor.

A Oficina de Información Turística de Cabanas atendeu a máis de 900 turistas durante o mes de xullo
  • Luns, 05 Agosto 2019

A Oficina de Información Turística (OIT) do Concello de Cabanas vén de elaborar o seu informe da actividade realizada durante o mes de xullo. Dito informe reflicte o perfil das persoas que fixeron uso deste servizo municipal durante este período.

En primeiro lugar cabe salientar o destacado volume de persoas atendidas, que ascende a 923. O perfil das persoas que visitaron o concello neste mes de xullo indica que un 59% foron peregrinos, dos cales un 33% se aloxou en albergues, concretamente, no albergue de Pontedeume nun 71% dos casos.

Por unhas festas seguras, Cabanas di non á violencia sexual
  • Venres, 02 Agosto 2019

Cabanas é un concello diverso, e comprometido contra a violencia sexual. Por iso traballamos para ter unhas festas seguras, e por iso durante os concertos das Festas de Santa Marta, na noite do sábado, desenvolveremos unha serie de actividades en colaboración coa Secretaría Xeral de Igualdade da camapaña "AgresiónOFF. Eu digo non á violencia sexual".

O stand da campaña estará situado no antigo campo de fútbol, e contará coas seguintes actividades:

Relación de postos na Feira de Santa Marta
  • Martes, 30 Xullo 2019

A continuación pódese consultar a relación de postos asignados para a Feira de Santa Marta, que terá lugar entre os días 1 e 4 de agosto.

Os postos divídense en dúas zonas, e cada posto estará debidamente marcado no chan, non podendo situarse nunha zona diferente á establecida.

  • Zona B: desde o antigo campo de fútbol cara o Banco da Diversidade
  • Zona A: desde un pouco máis adiante do Banco da Diversidade cara a área de estacionamento de autobuses.

Relación de postos:

O Concello de Cabanas anuncia o programa das Festas de Santa Marta
  • Mércores, 24 Xullo 2019

O Concello de Cabanas vén de facer público o programa das Festas de Santa Marta 2019, que terá lugar os días 1, 2, 3 e 4 de agosto, cunha programación de actividades para todos os públicos organizadas no entorno da Praia e do Piñeiral da Madalena.
 
O xoves 1 de agosto cara o mediodía inaugurarase a Feira de Artesanía, que se prolongará durante os catro días das Festas e que contará con diversos postos nos que as visitantes poderán atopar produtos de artesanía, alimentación e textil.
 

O Concello de Cabanas condena o ataque homófobo contra o Banco da Diversidade
  • Mércores, 24 Xullo 2019

Na madrugada do 24 de xullo o Banco da Diversidade do Paseo da Madalena, pintado coas cores do arco da vella durante as celebracións do Día do Orgullo LGTBI, sufriu un ataque homófobo.

O Concello de Cabanas condena enerxicamente este ataque e anuncia que vai repoñer o banco coas cores do orgullo o antes posíbel. Así mesmo, anuncia unha investigación e solicita a colaboración da cidadanía para dar cos culpábeis.

O Concello de Cabanas defende e fai valor da diversidade e non tolera, nin tolerará, agresións fascistas e homófobas como esta.

Páxinas