Inicio

O Concello invita á veciñanza ao Concerto da Escola Municipal de Música
  • Venres, 05 Abril 2019

Terá lugar este sábado no salón de plenos a partir das 9,30 horas

Cabanas, 5 de abril de 2019. Os alumnos e alumnas da Escola Municipal de Música do Concello de Cabanas ofrecerán mañá sábado, 6 de abril, un concerto. Terá o salón de plenos da casa consistorial como escenario e dará comezo ás 9,30 horas. A entrada é libre e de balde ata completar aforo.

Os participantes no obradoiro Eume Emprende III inician o acondicionamento das zonas verdes das rotondas do paseo
  • Venres, 05 Abril 2019

O obradoiro dual de emprego Eume Emprende III, que impulsan conxuntamente os municipios de Cabanas, Pontedeume e Monfero, vén de entrar na súa fase práctica e, estes días, alumnos e alumnas iniciaban algúns traballos a pé de campo. Máis concretamente, e segundo apuntan as concellerías de Obras e Servizos, os participantes na especialidade de xardinería comezaban o acondicionamento das zonas verdes centrais das cinco rotondas emprazadas ao longo do paseo do piñeiral da Madalena. Nestes espazos crearán fermosas composicións con diferentes deseños e especies vexetais.

O Concello inicia as obras para dotar de saneamento os núcleos de Porcar e A Rúa
  • Xoves, 04 Abril 2019

A intervención conta cun orzamento cercano aos 40.000 euros

Cabanas, 04 de abril de 2019. O Concello de Cabanas vén de iniciar as obras para estender o servizo de saneamento de augas residuais aos núcleos de Porcar, en Santa Cruz, e A Rúa, en Soaserra. Así as cousas, o Concello investirá nos traballos 39.118,96 euros, que financia ao 100% a través do Plan Único POS+. As estimacións municipais sinalan o remate da intervención este mesmo mes.

Páxinas